Өмірбаян
Есенбаев Мәжит Төлеубекұлы
1949 жылы дүниеге келген. В.И. Ленин атындағы Қазақ саяси институтын аяқтады. Мамандығы бойынша экономист. Экономика ғылымдарының кандидаты, доцент.
Еңбек жолын Қазақ ССР-нің Мемжоспарлау жанындағы нормативтерді жоспарлау жөніндегі ғылыми-зерттеу институтында экономист болып бастады, Қарағанды облыстық халық депутаттары Кеңесінің атқарушы комитетінің Бас жоспарлау-экономикалық басқармасы бастығының орынбасары, Қарағанды облыстық халық депутаттары Кеңесінің атқарушы комитеті Төрағасының орынбасары қызметін атқарды. Еңбек жолын Қазақстан Республикасы Мемлекеттік салық комитетінің Төрағасы қызметінде жалғастырды.
1997 жылдан бастап Қарағанды облысының Әкімі, 1999 жылдан бастап Қазақстан Республикасының Қаржы министрі, 2002 жылдан бастап Қазақстан Республикасының экономика және сауда министрі, уақыт ағымымен Қазақстан Республикасының Индустрия және сауда министрі болып тағайындалды.
2003 жылдан бастап Қазақстан Республикасы Президентінің Көмекшісі,
2004 жылдан бастап 2008 жылға дейін Ақмола облысының Әкімі болды.
2008 жылдан бастап бүгінгі күнге дейін Қазақстан Республикасы Бәсекелестікті қорғау агенттігінің (Монополияға қарсы агенттік) Төрағасы қызметін атқаруда.
