Блог тұғырнама

Авторлардың тізімдері

Мәсімов К.Қ.
ҚР Премьер-Министрi

Мәсімов Кәрім Қажымқанұлы

1965 жылы туған. Пекиндегі Тілдер институтын, Ухань заң университетін, Қазақ Мемлекеттік экономика университетін бітірген. АҚШ-тың Колумбия университетінде тағылымдамадан өтті. Экономика ғылымдарының докторы. Ағылшын, қытай, араб тілдерін меңгерген. Еңбек министрлігінде бас экономист, бөлім бастығы, одан кейін республика Сыртқы экономикалық байланыстар министрлігінің Үрімші (ҚХР) қаласындағы өкілдігінің аға маманы, Гонконгтағы Қазақстан сауда үйінің атқарушы директоры, кейіннен Алматы сауда-қаржы және Халық жинақ банктерінің басқарма төрағасы болып сайланды. Көлік және коммуникация министрі, Премьер-Министрдің орынбасары болып тағайындалған.
2003 жылдың маусымынан Қазақстан Республикасы Президентінің көмекшісі,
2006 жылдың қаңтарынан бастап Премьер-Министрдің орынбасары қызметін атқарған.
2007 жылдың қаңтар айынан бастап Қазақстан Республикасының Премьер-Министрi.

Исекешев Ә. Ө.
ҚР Премьер-Министрірдің орынбасары - Индустрия және сауда министрі

Исекешев Әсет Өрентайұлы

1971 жылғы 17 тамызда Қарағанды қаласында туған.

1994 жылы Әл-Фараби атындағы ҚазМҰУ-дің заң факультетін, 1998 жылы Қазақстан Республикасының Президенті жанындағы Жоғары мемлекеттік басқару мектебін аяқтады.

1995-1997 жылдары Медеу ауданы прокурорының тағылымдамадан өтушісі, көмекшісі, аға көмекшісі; ҰЖМБМ тыңдаушысы (1997-98 жылдары).

1998-1999 жылдары Қазақстан Республикасының Стратегиялық жоспарлау және реформалар агенттігінің бас маманы болып жұмыс істеді.

1999-2000 жылдары Қазақстан Республикасы Әділет министрлігі Орталық және жергілікті органдардың нормативтік құқықтық актілерін тіркеу және бақылау департаментінің директоры болып жұмыс істеді.

2000 - 2001 жылдары – Қазақстан Республикасы Әділет министрлігі жанындағы «Ұлттық заң қызметі» ЖАҚ президенті, 2002 жылға дейін жеке секторда жұмыс істеді.

2002 жылғы қараша - 2003 жылғы маусым – Қазақстан Республикасы Экономика және бюджеттік жоспарлау министрінің кеңесшісі.

2003 жылдан бастап – Қазақстан Республикасы Индустрия және сауда вице-министрі.

2006 жылдан бастап – «Қазына» Орнықты даму қоры» АҚ Басқармасы төрағасының орынбасары.

2007 жылдан 2008 жылға дейін – «Credit Swiss (Қазақстан)» ЖШС қаржылық жобалау маркетингі бойынша директоры.

2008 жылғы наурыз-мамыр – Қазақстан Республикасы Президентінің көмекшісі.

2009 жылғы мамырдан бастап – Қазақстан Республикасы Индустрия және сауда министрі.

Жақсыбеков Ә. Р.
ҚР Қорғаныс министрі

ЖақсыбековӘділбекРыскелдіұлы

1954 жылы 26 шілдеде Қостанай облысы, Қарабалық ауданының Бөрілі ауылында туған.

Мерзімді әскери қызметін Кеңес армиясының қатарында Қызыл Тулы Сібір әскери округінде өтеген .

1977 жылы Бүкілодақтық мемлекеттік кинематография институтының (Мәскеу қаласы) экономика факультетін бітірген, 1987 жылы Плеханов атындағы Мәскеу халық шаруашылығы институтында «материалдық-техникалық жабдықтауды ұйымдастырушы» мамандығы бойынша қайта даярлаудан өтті. Экономика ғылымдарының кандидаты.

Қазақ КСР Мемкино және Мемжабдықтау жүйесінде жұмыс істеді, бірқатар кәсіпорындарды басқарған. 1988-1995 жылдары «Цесна» көпсалалы корпорациясын басқарды. 1995 жылы Қазақстан Республикасы Парламентінің Сенатына сайланды. 1996 жылы Ақмола облысы әкімінің бірінші орынбасары болып тағайындалады.

1997 жылғы желтоқсан мен 2003 жылғы маусым аралығында – Астана қаласының әкімі. 2003 жылғы маусым мен 2004 жылғы желтоқсан аралығында Қазақстан Республикасының Индустрия және сауда министрі. 2004 жылғы желтоқсаннан бастап – Қазақстан Республикасы Президенті Әкімшілігінің басшысы. 2008 жылғы 23 қаңтар мен 13 қазан аралығында «Нұр Отан» халықтық-демократиялық партиясы төрағасының бірінші орынбасары – ҚР Президентінің кеңесшісі.

2008 жылғы қараша мен 2009 жылғы маусым кезеңінде Ресей Федерациясындағы Қазақстан Республикасының Төтенше және Өкілетті Елшісі болды.

ҚР Футбол Федерациясының Президенті. 2008 жылы Астана қаласындағы «Дөңгелек алаң» архитектуралық кешені үшін Қазақстан Республикасы Мемлекеттік сыйлығының лауреаты атанды.

Баймағанбетов С.Н.
ҚР Ішкі істер министрі

Серік Нұртайұлы Баймағанбетов

1958 жылы туған. М.В.Ломоносов атындағы Москва мемлекеттік университетін, КСРО Ішкі істер министрлігінің академиясын тәмамдаған, заң ғылымдарының кандидаты.

1980-1992 жылдары ішкі істер органдарында әртүрлі лауазымдар атқарды.

1992-2001 жылдары Қазақстан Республикасы Президентінің Әкімшілігінде басшы лауазымдарда жұмыс істеді.

2001-2007 жылдары Ішкі істер вице-министрі, Әділет вице-министрі, Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасары, Қазақстан Республикасы Президенті Әкімшілігінің Құқық қорғау және сот жүйелері мәселелері бөлімінің меңгерушісі қызметтерін атқарды.

2007-2009 жылдары – Қазақстан Республикасы Парламенті Мәжілісінің депутаты, Заңнама және сот-құқықтық реформа комитетінің төрағасы.

2009 жылғы 2-шісәуірде Қазақстан Республикасы Президентінің Жарлығымен Қазақстан Республикасының Ішкі істер министрі қызметіне тағайындалды.

2001 жылдың желтоқсанында ішкі қызмет генерал-майоры атағы берілді. "Құрмет"орденімен марапатталған.

Түсіпбеков Р.Т.
ҚР Әдiлет министрi

Түсіпбеков Рашид Төлеутайұлы

Түсіпбеков Рашид Төлеутайұлы 1955 жылы 28 қаңтарда Шымкент қаласында дүниеге келді.

1962 жылдан Қарағанды қаласында тұрды, 1973 жылы ондағы № 3 орта мектепті бітірді.

Мектепті аяқтаған соң Қарағанды облаткомның өрттен қорғау қызметінде жүргізуші болып жұмыс істеді.

Әскерден оралған соң 1976 жылы тамызда Қарағанды мемлекеттік университеті заң факультетінің күндізгі бөлімінің бірінші курсына қабылданып, оны 1981 жылы өте жақсы бағамен аяқтады.

Қарағанды қаласы Совет аудандық халық сотында үш айлық сынақтан өткен соң 1981 жылы қараша айында халық судьясы болып тағайындалды.

1984 жылдан 1993 жылға дейін Қарағанды облысы Нұра аудандық соты төрағасының қызметін атқарды.

1993 жылдан 1999 жылға дейін Қарағанды облысы сотының төрағасы болды.

1999 жылдың сәуір айынан Қазақстан Республикасының Жоғарғы Соты қылмыстық істер жөніндегі сот алқасының төрағалығына тағайындалды. Қазақстан Республикасының Жоғарғы Соты төрағасы міндетін атқарды.

2000 жылдың қазан айынан желтоқсан айына дейін Қазақстан Республикасының Жоғарғы Соты жанындағы Сот әкімшілігі жөніндегі комитеттің төрағасы болды.

2000 жылдың 21 желтоқсанда Қазақстан Республикасы Президентінің Жарлығымен Қазақстан Республикасының Бас Прокуроры болып тағайындалды.

2005 жылдың 15 желтоқсанда Қазақстан Республикасы Президентінің Жарлығымен Қазақстан Республикасының Бас Прокуроры болып екінші рет конституциялық мерзімге тағайындалды.

Мемлекет алдындағы қызметі, еліміздің әлеуметтік-экономикалық және мәдениетті дамытуға қосқан елеулі үлесі үшін 2003 жылдың 8 желтоқсанда 2 дәрежелі «Барыс» орденімен марапатталды. Сонымен қатар Қазақстан Республикасы Президентінің алғыс хатын алған.

Мемлекеттік 2-ші дәрежелі әділет кеңесшісі сыныптық шені бар.

2009 жылдың сәуірінде Қазақстан Республикасы Президентінің Жарлығымен Қазақстан Республикасының Әділет министрі болып тағайындалды.

Үйленген, төрт ұлы бар.

Божко В.К.
ҚР Төтенше жағдайлар министрі

Божко В.К.

1949 жылдың 16 мамырында Алматы қаласында туған. Білім жоғарғы. В.И. Ленин атындағы Қазақ политехникалық институтын, Минск қаласындағы КСРО МҚК жоғарғы курсын бітірген. Заң ғылымдарының кандидаты, доцент. Генерал-лейтенант. 2007 жылдың қараша айынан Қазақстан Республикасының төтенше жағдайлар Министрі. Мемлекеттік және халықаралық марапаттардың иегері.

Қожамжаров Қ.П.
ҚР Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Төрағасы

ҚОЖАМЖАРОВ ҚАЙРАТ ПЕРНЕШҰЛЫ

1965 жылы туылған. А.Жданов атындағы Ленинград мемлекеттік университетін бітірген.

1987 жылдан 1995 жылға дейінгі аралықта Қазақстан Республикасы прокуратурасы органдарында қызмет өткерді.

1995 жылғы қыркүйек 1998 жылғы наурыз аралығында кеден органдарында қызмет етті.

1999 жылғы шілде осы уақытқа дейінгі аралықта қаржы полициясы органдарында қызмет етеді. Әр түрлі лауазымдарда: 2001 жылғы ақпаннан бастап Агенттіктің тергеу басқармасының бастығы,

2002 жылғы ақпан 2004 жылғы мамыр аралығында Алматы қаласы бойынша Экономикалық қылмысқа және сыбайлас жемқорлыққа қарсы күрес департаменті (қаржы полициясы) бастығының орынбасары, 2004 жылғы мамырдан 2007 жылғы қаңтарға дейінгі аралықта Ақтөбе облысы бойынша Экономикалық қылмысқа және сыбайлас жемқорлыққа қарсы күрес департаментінің (қаржы полициясы) бастығы,

2007 жылғы қаңтар 2008 жылғы желтоқсан аралығында Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Төрағасының орынбасары болып қызмет етті.

2008 жылғы желтоқсан айынан бастап Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) Төрағасы. Қаржы полициясының генерал-майоры.

Нұрпейісов Қ. А.
ҚР Мемлекеттік қызмет істері агенттігінің Төрағасы

ҚАЙРАТ АЙТМҰХАМБЕТҰЛЫ НҰРПЕЙІСОВ

1957 жылдың 21 қыркүйегінде Павлодар облысында туған. Павлодар педагогикалық институтын (1979ж.), Алматы халық шаруашылығы институтын (1986ж.) бітірген. Математика пәнінің мұғалімі, экономист.
Павлодар облыстық қаржы басқармасында аға экономист, аға ревизор-инспекторы және мемлекеттік кіріс бөлімі бастығының орынбасары болып жұмыс істеген.
1990 – 1996 жж. – Павлодар облысы бойынша салық инспекциясы бастығының орынбасары, Павлодар облысы бойынша мемлекеттік салық инспекциясының бастығы.
1996 – 1997 жж. – Павлодар облысы бойынша салық басқармасының бастығы.
1997 – 1998 жж. – Павлодар облысы бойынша салық комитетінің төрағасы.
1998 – 2002 жж. - Энергетика, индустрия және сауда вице-министрі, Мемлекеттік кіріс вице-министрі қызметтерін атқарған.
2003 жылы – Павлодар қаласының әкімі.
2003 – 2008 жж. - Павлодар облысының әкімі болды.
2008 -2009 жж.- Қазақстан Республикасы Президенті Әкімшілігі Басшысының орынбасары.

2009 жылдың тамыз айынан Қазақстан Республикасы Президентінің Жарлығымен Қазақстан Республикасы Мемлекеттік қызмет істері агенттігінің төрағасы болып тағайындалды.
«Құрмет» орденімен марапатталған.
Үйленген, екі қызы бар.

Бахмутова Е.Л.
ҚР Қаржы нарығын және қаржы ұйымдарын реттеу мен қадағалау агенттігінің Төрайымы

Бахмутова Елена Леонидовна

1962 жылы 27 ақпанда Ростов – на Дону қаласында өмірге келген.

Алматы халық шаруашылығы институтының түлегі.

Еңбек жолын 1983 жылдан бастады және 1993 жылға дейін экономиканың нақты секторындағы кәсіпорындарда әртүрлі қызметтер атқарды.

1993 - 2001 жылдар аралығында Қазақстан Республикасы Қаржы министрлігінің Бюджеттік департаментінде жетекші экономист, бас экономист, директор орынбасары, директор қызметтерін атқарды.

2001 жылғы сәуірден бастап Қазақстан Республикасы Еңбек және халықты әлеуметтік қорғау вице-министрі.

2002 жылғы тамыздан бастап Қазақстан Республикасы Ұлттық Банкінің Жинақтаушы зейнетақы қорларының қызметін реттеу департаментінің директоры.

2002 жылғы қыркүйектен бастап Қазақстан Республикасы Ұлттық Банкінің Қаржылық қадағалау департаментінің директоры.

2004 жылғы қаңтардан бастап Қазақстан Республикасы Қаржы нарығын және қаржы ұйымдарын реттеу мен қадағалау агенттігі Төрағасының орынбасары.

2008 жылғы қаңтардан бастап Қазақстан Республикасы Қаржы нарығын және қаржы ұйымдарын реттеу мен қадағалау агенттігінің Төрайымы болып тағайындалды.

Арыстанов А. К.
Председатель Агентства РК по регулированию деятельности регионального финансового центра города Алматы

Родился в 1966 году в городе Алматы.

Образование:

1988 г. - Московский государственный университет им. М. В. Ломоносова, экономический факультет;
1992 г. - защита кандидатской диссертации на тему "Торгово - экономические связи Индии с промышленно развитыми странами Запада в 80-е годы";
2004 г. - защита докторской диссертации на тему "Почтово - сберегательная система Казахстана на рынке финансово - банковских услуг".

Профессиональный опыт:

1994 - 1996гг. - Национальный государственный банк РК, заместитель директора Департамента валютного регулирования, директор Департамента международных отношений;
1996 - 1998 гг. - Алматинский торгово-финансовый банк, советник Председателя Правления, начальник Коммерческого Департамента, заместитель Председателя Правления;
1998 - 2000 гг. - Народный Банк РК, первый заместитель директора областного филиала, руководитель Кредитного департамента - управляющий директор, директор департамента Кредитных рисков, советник Председателя; 2000 - 2006 гг. - АО "Казпочта", заместитель Председателя Правления, Председатель Правления;
С февраля 2006 г. - Председатель Агентства Республики Казахстан по регулированию деятельности регионального финансового центра города Алматы.

Дополнительные сведения:

2001 - 2005 гг. - заместитель Председателя Совета операторов почтовой связи Регионального содружества в области связи;

С 2003 г. - член редакционной коллегии журнала "Почтовая связь. Техника и технологии";
С 2005 г. - Председатель Совета операторов почтовой связи Регионального содружества в области связи.

Имеет ряд научных достижений и государственных наград.